الشروط والسياسات

باختصار وبوضوح: وش تشتري، وكيف يوصلك، ووش حقوقك. آخر تحديث: نوفمبر 2026.

شروط الاستخدام

  1. وش تشتري: كود ترخيص (اشتراك) لبرنامج من برامج InfinityKeys، يشتغل على كمبيوتر ويندوز 10 أو 11.
  2. المدة: مدة الاشتراك (أسبوع، شهر، 3 شهور، أو مدى الحياة) تبدأ من أول تفعيل للكود، وتمشي حتى لو ما استخدمت البرنامج.
  3. مدى الحياة: يعني طول عمر نسخة المنتج نفسها. في FC27: لين نهاية لعبة FC 27، ولا يشمل FC 28 أو أي نسخة بعدها.
  4. جهاز واحد: كل كود يرتبط بجهاز واحد. لو غيّرت جهازك أو فرمتّه، نفك لك الربط من الدعم مرة كل 30 يوم.
  5. ممنوع المشاركة: الكود لك وحدك. مشاركته أو بيعه أو محاولة كسر حماية البرنامج يلغي الاشتراك ويحظر الجهاز نهائياً، بدون تعويض.
  6. تأكد قبل تشتري: لازم يكون جهازك ويندوز 10 أو 11. LiveBot يحتاج متصفح Chrome أو Brave أو Edge أو Opera GX. عدم التوافق مع جهازك ما يعتبر سبب للاسترجاع — اسألنا في الديسكورد قبل الشراء.
  7. الباقات: الباقة (مثل الباك الشامل) تنباع كاملة، وما ينفع نرجّع منتج منها لحاله.
  8. حسابك في تيك توك: الرد الآلي في LiveBot ممكن يخالف شروط تيك توك. أي تقييد أو حظر لحسابك على مسؤوليتك. ننصح بوضع «آمن».
  9. تحديثات المنصات: برامجنا تعتمد على تيك توك والمنصات الثانية. لو غيّروا شي وتعطّل برنامج، نشتغل على تحديث بأسرع وقت. ولو التوقف طوّل أكثر من 3 أيام، نعوّضك بنفس المدة.
  10. FC27: منتج مستقل وغير رسمي، لا يتبع شركة EA SPORTS. استخدامه داخل اللعبة على مسؤوليتك.
  11. الموافقة: إتمام الشراء يعني إنك قريت هذي الشروط ووافقت عليها.

سياسة الاسترجاع والاستبدال

المنتج كود رقمي يوصلك فوراً بعد الدفع، فما فيه استرجاع ولا استبدال بعد ما يوصلك.
  • لو الكود ما اشتغل: كلمنا في الديسكورد ومعك رقم الطلب. نحل المشكلة، ولو ما قدرنا، نعطيك كود جديد.
  • لو انخصم المبلغ وما وصلك الكود: تلقاه في «طلباتي». ولو مو موجود، كلمنا ونرسله لك أو نرجّع المبلغ.
  • لو البرنامج توقف بسبب تحديث من المنصة أكثر من 3 أيام: نعوّضك بنفس مدة التوقف.
  • الترقية من الأساسي لـ Pro: تدفع الفرق بس، وتنتهي مع نهاية اشتراكك الأساسي.

سياسة الخصوصية

  • الدفع: يتم عبر منصة سلة. بيانات بطاقتك تدخلها في نافذة سلة مباشرة، وما توصلنا ولا نحفظها أبداً.
  • بيانات الطلب: اسمك ورقم جوالك أو إيميلك تحفظها سلة مع الطلب، ونستخدمها بس لتسليم الكود والدعم.
  • الترخيص: البرنامج يربط الكود بمعرّف جهازك (HWID) عشان يمنع المشاركة. ما نجمع ملفاتك ولا محتوى جهازك.
  • LiveBot والسباثون: يتصلون بحسابات البث اللي تربطها أنت (تيك توك، تويتش، كيك…) لقراءة الشات والهدايا فقط، والبيانات تبقى على جهازك.
  • الموقع: ما نستخدم أدوات تتبّع إعلانية. المتصفح يحفظ بس تفضيلات بسيطة مثل آخر بيانات كتبتها.
  • مشاركة البيانات: ما نبيع بياناتك ولا نشاركها مع أحد، إلا لو طلبتها جهة رسمية حسب النظام.

التواصل والدعم

الدعم الفني، التحميل، والشرح — كلها في سيرفر الديسكورد. اسأل قبل ما تشتري لو عندك أي شك.

ادخل سيرفر InfinityKeys ↗